គម្រោងផ្លូវនាវាចរណ៍ព្រែកជីកហ្វូណន គឺជាគម្រោងហេដ្ឋារចនាសម្ព័ន្ធខ្នាតធំ ក្នុងប្រវតិ្តសាស្រ្តកម្ពុជា តភ្ជាប់ប្រព័ន្ធផ្លូវទឹកនៃទន្លេមេគង្គ និងទន្លេបាសាក់ តាមរយៈការជីកព្រែកសិប្បនិម្មិត្ត រួចបន្តហូរតាមរយៈទន្លេបាសាក់រហូតដល់សមុទ្រកម្ពុជា  ដែលឆ្លងកាត់តាមខេត្តតាកែវ កំពត និងកែប និងមានប្រវែងសរុបប្រមាណ ១៨០ គីឡូម៉ែត្រ។ នៅពេលបញ្ចប់ការសាងសង់ គម្រោងនេះ នឹងចូលរួមពង្រឹងយ៉ាងខ្លាំងដល់ប្រព័ន្ធដឹកជញ្ជូនតាមផ្លូវទឹករបស់កម្ពុជា, ធានាសុវត្ថិភាពនៃបណ្តាញផ្លូវទឹកជាតិ, គាំទ្រដល់កំណើនសេដ្ឋកិច្ច និងជំរុញដល់ការអភិវឌ្ឍក្នុងតំបន់។