គម្រោងផ្លូវល្បឿនលឿនរាជធានីភ្នំពេញ-ក្រុងព្រះសីហនុ ត្រូវបានសាងសង់ឡើងជាផ្លូវ ៤ គន្លង និងមានចំណុចចាប់ផ្ដើមនៅប៉ែកខាងលិចនៃរាជធានីភ្នំពេញ ដែលតភ្ជាប់ជាមួយនឹងផ្លូវក្រវាត់ក្រុងទី៣។  គម្រោងនេះឆ្លងកាត់តាមខេត្តកណ្ដាល, កំពង់ស្ពឺ, កោះកុង និងឆ្ពោះទៅកាន់ខេត្តព្រះសីហនុ ដែលជាកំពង់ផែសមុទ្រជ្រៅនៃប្រទេសកម្ពុជា។ ផ្លូវល្បឿនលឿននេះ មានប្រវែងសរុបចំនួន ១៨៧,០៥ គ.ម ហើយក៏ជាគម្រោងផ្លូវល្បឿនលឿនដំបូង បង្អស់ដែលបានដាក់ឱ្យដំណើរការនៅព្រះរាជាណាចក្រកម្ពុជា ផងដែរ។