រាជរដ្ឋាភិបាល មានគម្រោងក្នុងការអភិវឌ្ឍ និងសាងសង់ផ្លូវល្បឿនលឿនមួយ ដែលមាន៤ គន្លង និងប្រវែងសរុបប្រមាណ ៤០០ គីឡូម៉ែត្រ ស្របតាមស្តង់ដាអន្តរជាតិ។  ក្នុងដំណាក់កាលដំបួង គម្រោងនេះ នឹងសាងសង់ផ្លូវតភ្ជាប់ពីរាជធានីភ្នំពេញ ទៅកាន់ខេត្តសៀមរាប ដែលជាគោលដៅទេសចរណ៍មួយ ដ៏ល្បីល្បាញនៅប្រទេសកម្ពុជា។ ក្នុងដំណាក់កាលបន្ទាប់, គម្រោងផ្លូវល្បឿនលឿននេះនឹងបន្តសាងសង់ផ្លូវតភ្ជាប់ពីខេត្តសៀមរាបទៅកាន់ក្រុងប៉ោយប៉ែត ដែលជាទីក្រុងដ៏ពេញនិយមមួយស្ថិតទៅតាមបណ្ដោយព្រំដែនជាមួយនឹងប្រទេសថៃ។