ការអភិវឌ្ឍគម្រោងចំណតផែរណបពហុបំណងខេត្តក្រចេះ មានគោលដៅក្នុងការផ្សារភ្ជាប់ខេត្តទាំងបួនដែលស្ថិតភូមិភាគឦសាន តាមរយៈការដឹកជញ្ជូនតាមផ្លូវទឹកជាមួយនឹងកំពង់ផែ និងតំបន់ពាណិជ្ជកម្មផ្សេងៗទៀតរបស់កម្ពុជា ដែលនឹងដើរតួយ៉ាងសំខាន់សម្រាប់ការប្រមូលផ្តុំ  និងលើកដាក់ទំនិញ និងផលិតផលកសិកម្ម និងកសិ-ឧស្សាហកម្មភូមិភាគឦសាន។ ចំណតផែរណបពហុ-បំណង ក៏អាចជួយកាត់បន្ថយថ្លៃដឹកទំនិញ ទ្រទ្រង់ជីវភាពប្រជាជនក្នុងខេត្តក្រចេះ និងអាចជំរុញរំហូរវត្ថុធាតុដើមកសិផលពីខេត្ត ៣ ផ្សេងទៀតនៅក្នុងតំបន់ភាគ-ឦសានមកខេត្តក្រចេះ ដោយប្រែក្លាយខេត្តនេះទៅជាតំបន់ប្រមូលផ្តុំកសិផល, កែច្នៃកសិផល និងក៏ដូចជាសួនកសិ-ឧស្សាហកម្មសម្រាប់ភូមិភាគឦសានផងដែរ។