គម្រោងផ្លូវល្បឿនលឿនរាជធានីភ្នំពេញ-ក្រុងបាវិត គ្រោងនឹងសាងសង់ជាផ្លូវ ៤ គន្លង និងត្រូវឆ្លងកាត់តាមខេត្តកណ្ដាល, ព្រៃវែង, ស្វាយរៀង និងឆ្ពោះទៅកាន់ក្រុងបាវិត ដែលជាទីក្រុងមួយស្ថិតនៅតាមបណ្ដោយព្រំដែនប្រទេសកម្ពុជា-វៀតណាម។ ផ្លូវល្បឿនលឿននេះ មានប្រវែងសរុបប្រមាណ ១៣៥,១០ គ.ម។ បន្ទាប់ពីការសាងសង់រួច, គម្រោងនេះនឹងចូលរួមលើកកម្ពស់ទៅដល់វិស័យដឹកជញ្ជូន, សេដ្ឋកិច្ច, សង្គមកិច្ច និងផ្សារភ្ជាប់ទំនាក់ទំនងវប្បធម៌រវាងទីក្រុង និងតំបន់ទាំងពីរ, ក៏ដូចជាគាំទ្រទៅដល់ការអភិវឌ្ឍជាតិ, ពង្រឹងភាពប្រកួតប្រជែង និងសម្រួលដល់ទំនាក់ទំនងពាណិជ្ជកម្មរវាងប្រទេសកម្ពុជា និងប្រទេសវៀតណាមផងដែរ។