គម្រោងអភិវឌ្ឍសួនកសិ-ឧស្សាហកម្ម ខេត្តក្រចេះ គឺជាគម្រោងមួយស្ថិតក្រោម “កម្មវិធីពិសេសជំរុញការវិនិយោគក្នុងខេត្តទាំងបួននៅភូមិភាគឦសាននៃប្រទេសកម្ពុជា ឆ្នាំ២០២៥-២០២៨”។ គម្រោងនេះ ត្រូវបានរៀបចំអភិវឌ្ឍឡើងជាមជ្ឈមណ្ឌលប្រមូលផ្ដុំឧស្សាហកម្មកែច្នៃដំណាំកសិកម្មក្នុងស្រុក សម្រាប់តំបន់ភូមិភាគឦសាននៃប្រទេសកម្ពុជា។

គម្រោងនេះមានទិសដៅជួយលើកកម្ពស់ជីវភាពប្រជាពលរដ្ឋ ព្រមទាំងជំរុញការតភ្ជាប់សេដ្ឋកិច្ច និង បង្កើនតម្លៃបន្ថែមសម្រាប់ដំណាំកសិកម្មនៅតំបន់ភូមភាគឦសានទាំងមូល តាមរយៈការនាំចេញផលិតផលពាក់កណ្ដាលសម្រេច និងផលិតផលសម្រេច មានដូចជា គ្រាប់ស្វាយចន្ទី; ដំឡូងមី; ចេក; និង កៅស៊ូ ជាដើម។