គម្រោងអាកាសយានដ្ឋានខេត្តមណ្ឌលគិរីថ្មី គឺជាគម្រាងសាងសង់អាកាសយានដ្ឋានកម្រិតតំបន់ប្រភេទ ៤C នៅខេត្តមណ្ឌលគិរី ដែលស្ថិតនៅភូមិភាគខាងកើតនៃប្រទេសកម្ពុជា។ អាកាសយានដ្ឋាននេះ ត្រូវបានរៀបចំឡើងដើម្បីឆ្លើយតបទៅនឹងតម្រូវការនៃជើងហោះហើរ និងការចុះចតរបស់យន្ដហោះប្រភេទ A៣២០ និង B៧៣៧ ជាមួយនឹងការសាងសង់ផ្លូវរត់យន្ដហោះទំហំ ២,៥០០ម  គុណនឹង ៤៥ម។ គម្រោងនេះ ក៏បានរាប់បញ្ចូលទាំងការសាងសង់អគារស្ថានីយ៍ចំណតដើម្បីសម្រួលដល់ចរាចរណ៍អ្នកធ្វើដំណើរ ផងដែរ។